Walio Funga Maduka Kariakoo Wawasii Wenzao click Kutazama Picha Na Kusoma Zaidi

kariakoo jinsi maduka yalivyo fungwa

maduka kama hivi unavyo ona

wauzaji wamesusa

kujua mengi zaidi ndugu tembela ukurasa wangu wa pge ya cowboybishootz.blogpost.com

Dar es Salaam. Wafanyabiashara wachache waliofungua maduka eneo la Kariakoo jijini hapa, wamewataka wenzao wanaoendelea na mgomo kukubali amri ya Serikali ya kutumia mashine za risiti za kielektroniki, EFD, kwa kuwa zina manufaa kwa nchi.

Wakizungumza na Mwananchi kwa nyakati tofauti walisema hawaoni haja ya kuendelea kupingana na agizo hilo, ilhal ulipaji kodi unachangia katika kuboresha huduma za kijamii na maendeleo ya nchi.

Juma Beku anayefanya biashara ya kuuza nguo za mitumba alisema aliamua kuanza kutumia mashine hizo mapema, hivyo hajaathirika kibiashara kutokana na mgomo huo.

Alisema wafanyabiashara wengi wameingia kwenye mgomo kwa kufuata mkumbo pasipo kufanya tathimini ya kina juu ya athari zake, kwani licha ya kutofanya biashara kwa kipindi hicho, itakapofika mwisho wa mwezi mwenye jengo atahitaji kodi yake.

Mohamed Kasanga alisema waliofunga maduka hawatambui kile wanachokihitaji, kwani hakuna nchi iliyoendelea duniani ambayo haibani wananchi wake katika ulipaji kodi.

Aliwataka wafanyabishara hao kuacha kufuata mkumbo kwani kila mtu alianzisha biashara akiwa peke yake na hata kama itatokea akapata hasara, yeye ndiye atakuwa mwathirika .

“Ninachoweza kuwashauri wenzangu ni kukubali kuzitumia mashine hizi kwa sababu kama ni hasara hata hili jambo la kufunga maduka kwa siku nne mfululizo sasa ni la hasara zaidi,” alisema.

Aliongeza kusema: “Hakuna mtu aliyewalazimisha kufunga maduka. TRA walisema watapita kukagua wanaotumia mashine, sasa wao wanafunga wanaogopa nini? Wanachotakiwa kufanya ni kufuata sheria.”

Salum Hussein alisema anaunga mkono hatua ya TRA kutaka wafanyabiashara kutumia mashine hizo na kwamba wale wanaopinga, ndiyo waliokuwa wanakwepa kulipa kodi halali.

Baadhi ya waliofunga maduka kupinga matumizi ya mashine hizo walikataa kuongea kwa madai kuwa vyombo vya habari vimekuwa vikiwanukuu tofauti na wanavyoeleza.

Jana saa 4:00 asubuhi maduka mengi katika eneo la Kariakoo yalikuwa yamefungwa na kusababisha wateja kuhangaika kutafuta huduma.